區瑞強被玩嚇到O嘴
歌手區瑞強（Albert）早前應邀出席大專學院的唱歌比賽擔任評判，比賽期間，嘉賓單立文批評林欣彤（Mag）唱歌咬字不清，受辱的她即時淚灑，嚇到Albert O嘴，私下勸單立文不用太直言，無謂令後輩難受！
後有參賽者以「騎呢」誇張造型參賽，嚇呆Albert，至比賽尾聲他才發覺被李思捷、單立文、Mag及蕭正楠夾計玩：「原來個『騎呢女』係李思捷男扮女裝o架，自己做咗《玩嘢王》嘉賓都唔知。我冇嬲，我都好玩得o架。」
有傳《玩嘢王》遭藝人投訴「玩得太盡」？Albert說：「我有睇過幾集，覺得好睇，尤其係鍾嘉欣嗰集，佢真係幾好戲。（有冇畀人玩到出真火？）我同譚詠麟（阿倫）、曾志偉成日互相整蠱，有次同阿倫踢完波去沖涼，突然有隻怪手伸入嚟，扭大咗個熱水掣，淥到我死死吓。」至於Albert的死穴是曱甴，如果玩塞落口，一定嬲！