Monna教鸚鵡冧女
陳靜師妹、有「混血E神」之稱的林宜芝（Monna），與家中的鸚鵡「妹妹」感情要好，Monna兩年多前因與妹妹一見鍾情而買牠回家飼養，閒時更教妹妹讚她靚女氹自己開心。
圈中不少人都愛養寵物作伴，小貓小狗都是頭號大熱，不過陳靜師妹、「混血E神」林宜芝卻養了隻名為「妹妹」的鸚鵡，Monna獨自在家時會與妹妹對話解悶，她笑說︰「我教佢講『靚女』、『你好靚』之類嚟氹我，係女仔聽到都好開心o架啦！」
專一唔使搵伴
雖然Monna的鸚鵡叫做妹妹，但她直言妹妹其實是鸚鵡大哥，她說︰「佢係男仔，不過我覺得呢個名幾襯佢，夠晒親切。」提到與妹妹的結緣過程，Monna指有次行街經過寵物店，看到妹妹就一見鍾情，她笑說︰「之前都冇話特別鍾意，但喺寵物店見到，覺得好得意，所以就買咗佢返屋企養，一養就養咗兩年幾。」
與妹妹感情要好的Monna直言自己非常專一，決不再買另一隻，笑指怕妹妹呷醋，她說︰「養一隻就夠，擔心兩隻會相處唔嚟，你知鸚鵡啲叫聲好刺耳，如果佢哋鬧交就會太嘈喇。」
斥責虐待行為
Monna對妹妹如珠如寶，故提到早前有人虐待鸚鵡時，她顯得非常生氣，認為不應這樣對待小動物，她激動地說︰「呢個人嘅行為太過分，如果唔想養，就唔好買返去，咁樣對小動物會有報應。」Monna又指看到報道後感到傷心，希望這些事不要再發生。
文︰專案組