陳法拉拒視后換約 影圈搶灘

導演陳可辛的新片《中國合伙人》前晚在金鐘舉行好友特別場，獲群星拱照，有陳法拉、張家輝、張學友、曾志偉、梁家輝、余文樂、袁詠儀、鍾鎮濤、沈嘉偉邱淑貞夫婦、男主角鄧超等到場力撐，完場時，邱淑貞更被電影感動到眼濕濕！

同樂易玲有偈傾

日前被本報拍得為導演陳嘉上新戲《奇幻夜》開工的法拉，剛和無綫滿約以自由身出席活動，她笑言初時有點不習慣，而暑假時會赴美國進修，合約的事稍後再決定。問到是否想轉戰影圈，她說：「當然想機會愈多愈好，都希望工作上可以有多啲挑戰，最緊要有好劇本！（同無綫用錢或者視后換約？）唔係！完全唔係！同無綫嘅感情唔係講錢嘅！」提到有報道指她因合約問題和樂易玲有爭執，法拉即尷尬回應：「冇睇過，唔知呀！大家都有傾偈嘅！」

張家輝（右）與梁家輝見面即笑晒口互攬。

眾星現身撐陳可辛新片特別場。

家輝騷肌熱爆網

而張家輝表示相約一班朋友共進晚餐後才齊齊到場，因飲多兩杯搞到面紅、眼紅，他到場時更打了志偉塊面一下！提及早前為雜誌拍攝的一輯騷肌照，他得意謂：「嗰啲好皮毛，仲有好多珍貴嘅相，嗰本差唔多係寫真嚟！（老婆好有feel？）佢冇乜反應，佢有冇feel都成日話好愛我o架啦！」他這身爆肌body，在網上雖熱爆，但他說卻有朋友想找他演中年胖漢：「做唔到呀！都冇時間儲肥自己，冇理由拎條命嚟較飛！」

文：影視組