梁烈唯買蚊型鑽石求婚
藝人梁烈唯和黃德斌昨日出席節目《極地狂奔》記者會，早前梁烈唯遠赴北極跑馬拉松，他坦言辛苦到想死：「當時諗起我仲有女友、家人，我仲未結婚，先令我堅持落去。」問到回港後有否結婚打算？他說：「女友已經着手逼緊，又揀結婚地方又叫我揀鑽石戒指，（買畀女友？）買啲十二分嘅石畀佢。」
同場黃德斌早前指摘《金枝慾孽貳》拍檔鄧萃雯，近日雯女態度軟化，他說：「就快完都應該做呢啲。（結局篇有飯局？）我未收到通知。（見到雯女尷尬？）唔會。」他否認不和傳聞是宣傳伎倆。另外，活動司儀李綺雯在前晚的《情越海岸線》中以3吋事業線挑逗沈震軒，對白露骨但獲網民讚好，她坦承當時墊了墊、帶Nude Bra和打陰影下的效果：「當晚我喺化妝間睇，好多人都嘩咗出嚟，如果我嫁唔出要搵黃浩然！」
