欣宜預告哭崩吊高嚟唱
於六月一日為「開心果」沈殿霞（肥姐）舉行的《開心果永遠欣想妳演唱會》，其愛女鄭欣宜、好友薛家燕、盧大偉、劉雅麗及陳潔靈昨日進行綵排，在練歌的同時，眾人都一同憶述與肥姐的點滴。
欣宜指肥姐教誨「要積極跨越難關」，所以屆時將會挑戰自我，表演「吊高嚟唱」，她說：「我會吊高離地20呎表演，其實我有啲畏高，到時可能要拉實兩邊。」欣宜又自爆練歌時已經「忍唔住」喊爆兼眼腫，直言到時必定會感觸到哭崩人前。問到爸爸鄭少秋可會撐場？她就直言：「爸爸唔喺香港，但佢有鼓勵我，叫我『綵排！練習！』」
家燕姐玩一字馬
另外，家燕姐就大爆與肥姐的「當年情」：「欣宜細細個我就同肥姐話要對親家，因為佢哋咁fit，依家拉紅線都得。」雖然家燕姐早前膝頭勞損，但仍會「頂硬上」兼「裝假狗」扮肥姐大玩一字馬，她笑說：「設計師嫌我個胸唔夠大，所以會造大件衫，仲叫我『塞』多幾個pat！」
至於陳潔靈及劉雅麗就憶述肥姐的逸事，陳潔靈說：「當年上肥姐屋企，佢播住欣宜隻碟，我哋大讚，肥姐笑得勁甜，甜過我哋讚佢！」劉雅麗就大讚肥姐敬業樂業，而盧大偉就透露屆時會與EYT一眾好友搞gag搞氣氛！
文：音樂組