苟芸慧同城城冇關係
藝員苟芸慧（苟姑娘）、吳卓羲、楊思琦及鄧萃雯昨晚出席「身心美」慈善基金第一屆就職典禮，苟姑娘穿上金色低胸tube dress大騷兩吋事業線，不過思琦亦唔執輸谷胸上陣。苟姑娘手臂仍見「粗壯」，她坦言仍要努力，分別以餐單、瑜伽、做gym、中藥減肥都試勻。之前有指郭富城出錢給她租豪宅，近日又傳她平租將軍澳單位，苟姑娘說：「我未決定租邊度。（報道誇張？）佢同我冇乜關係，點會sponsor我。」說到日前城城贏馬，她被指腳頭好時，她即被人拉走。
至於剛返港的吳卓羲（Ron）否認正拍拖，但說有看傅嘉莉與自己的報道，Ron說：「可能佢唔識講嘢。（佢單戀你？）我冇咁好福氣。」被對方稱為「筍盤」的Ron即時「封盤」，坦言現不想拍拖。至於鄧萃雯則不接受訪問。
