焦媛昨日到電台宣傳新舞台劇，事隔七年再演同一劇的她稱「退讓」女主角之位給師妹，自己則演另一角色。她於劇中會背夫偷食，大玩四角戀。問是否她的親身經歷？曾捲入小三疑雲的她說：「我冇偷食，我隔籬嗰個（指男友）有冇就唔知。」
提到男友導演高志森被拍得與少女睇戲，她帶有醋意地說：「冇話原唔原諒佢，唔好畀我親眼見到。（鬧交？）我都冇時間鬧交，我哋好耐冇一齊食飯傾偈。」經常被家人催婚的焦媛，大呻男友施拖字訣：「佢成日話計劃，又話出年，但都冇做到，我懷疑畀人呃呀！」
