Paul爆粗鬧家強：Beyond唔係佢家族生意

Paul和家強由相識至組成Beyond樂隊30年，本來情如親兄弟，可是近年關係相當反覆，時鬧翻又時友好。日前家強為其下月舉行的紀念兄長黃家駒演唱會收集照片，豈料家強跟傳與Paul不和記者的合照，卻觸動Paul的神經，令家強成Paul迷狂插對象。

轉載前經理人千字文

前晚事件發展得更為火爆，Paul在微博指名道姓鬧：「家強，我有什麼得罪你，男人老狗，那天和你面對面，你居然對演出及照片隻字不提，現在用五毛去攻擊我，對你的『個唱』真的有幫助？撫心自問，你再抹黑我，你的音樂也不會進步的，你其實雖（需）要的是對我和世榮的信任……雖然你說我最冇資格，但聽我講一次可否？」

同晚Paul轉發多年前曾跟Beyond就合約問題而鬧上法庭的前經理人陳健添（Leslie Chan）的千字文，內文主要踩家強借亡兄家駒做宣傳兼惺惺作態，其後Paul留言認同指Leslie Chan「太清楚家強了」。昨晚Paul更留言給已揚言不會重組Beyond的另一隊友葉世榮：「你用行動代皆（替）說話，貫中無看錯你。」

黃貫中強調所說的全是真話，更可對天發誓。（資料圖片）

如果家駒仍在生，相信Beyond絕不會拆夥。 （左起）葉世榮、黃家強、黃家駒、黃貫中

可對天發誓的真心話

昨日Paul接受電話訪問時，依然火氣十足數家強：「我幫×咗佢做宣傳啦！Beyond唔係佢一個人，唔係佢家族生意！（再見面會尷尬？）喺街見到佢，我××佢添！（冇朋友做？）從來都唔係朋友，Beyond冇咗一個都夠慘，依家仲要分大細。」

Paul強調對家強的指摘是可對天發誓的真心話，問為何不送相給家強作紀念家駒？他說：「Band房大把我嘅相任佢攞，佢冇打畀我，佢依家Send口訊嚟邀請我去演唱會，我立即去！佢唔請係唔想我搶佢風頭之嘛！」而家強至截稿前未有回覆。

文：音樂組