鄭錦昌潮唱Rap歌冇難度
「粵曲王子」鄭錦昌將在七月舉行「鄭錦昌金曲輝煌半世紀經典演唱會」，雖然仍會唱《唐山大兄》等例牌舊歌，但仍會跟上潮流尖端：「打扮方面會潮啲，唔想喺個台度好似個古董咁。」他表示演唱會將會玩懷舊，塑造六、七十年代夜總會的感覺，又大嘆香港粵曲被人淘汰：「雖然有好多劇社，但冇人推廣，今次我都想個騷可以引班後生聽粵曲。」
昌哥約在30年前毅然放棄香港事業遠飛馬來西亞，他憶述：「因為當年覺得自己演藝事業唔上唔落，亦冇諗過返香港發展。」幸好之後在當地遇上電視台高層黎文卓，並獲鼓勵回港再戰。最近他更與樂隊ManHand潮唱Rap歌，他說：「完全冇難度，記歌詞對我嚟講似數白欖。」