顏卓靈擔正晒舞技
獲導演會頒發最佳新演員獎的顏卓靈（Cherry）首次擔正電影《狂舞派》，大晒舞技及青春氣息，早前Cherry與一眾演員為電影拍攝海報，因工作關係Cherry未能重現角色的紅色冬菇頭，但駁了些紅色長髮，同樣Sharp醒！他們在一幢舊工廠大廈進行拍攝，眾人狂跳狂跑，又輪流駕綿羊仔飛馳，盡情表現熱血活力，玩得不亦樂乎。
問到難忘事，Cherry竟笑言曾聽聞其他演員透露廁所「香氣四溢」、「米田共」多不勝數，無奈今次未能親睹奇觀：「咁啱嗰兩場戲都冇我份，所以感受唔到，點知呢次嚟到竟然進行咗清潔，有啲可惜o架！」
