姚書軼買上車盤珠寶

名模姚書軼昨日為品牌示範名貴珠寶首飾，她表示每次示範珠寶都會想買，又覺得現今女生很幸運，不用靠男人送珠寶，可以靠自己努力去買，她說：「自己都好幸運，有能力自己買嚟送畀自己，都係買啲細細粒嘅款式，要慢慢嚟，買啲入門版先，就好似買樓一樣開始係買上車盤先。（媽咪有冇留家傳之寶畀你？）有，係翡翠，翡翠嘅價值都好高，係婆婆一支清朝翡翠髮簪。（戴出嚟？）戴出嚟嚇死人，支髮簪上面銀嘅部分已經氧化，都係擺喺度。」她又指她公公以前送了一枚緬甸紅寶石戒指給她婆婆，她以為很值錢，想拿去給人估價，但婆婆就指公公只是買來玩玩而已。