方中信錫晒囡囡影圈搵銀
六月是父親節，兩大爸爸級型男方中信及丁子高都不約而同地不打算慶祝，反而只顧為六月生日的子女慶祝生日。前者將舉家到泰國旅行，後者則舉辦大型生日派對，果然是「廿四孝」父親！
方中信、丁子高、張兆輝及「警鐘胸」Jessica C.等昨日出席活動。六月除了是父親節，亦是方中信與太太莫可欣結婚周年紀念，加上九號是女兒的五歲生日，故他表示會一家人去泰國旅行四、五天。問到女兒會送甚麼父親節禮物給他？他笑言：「都係寫字、畫卡，都流流哋，不過好冧。」
另外，方中信將簽約到楊受成旗下的英皇電影公司，更揚言：「要賣自己嘅餘生畀呢間公司。我都想搵多啲錢，等囡囡生活過得好啲。同埋自己年紀大，都想過多幾年半退休。（酬勞高？）都幾高。（邊方面吸引你簽？）欣賞佢哋電影製作，而且自己希望拍多啲電影，唔想淨係拍電視劇。」
丁子高為仔搞生日P
同場的丁子高則表示忙於為兒子Torres籌備六月生日派對，故不會特別慶祝父親節。問到生日會有何主題？他回應：「以動物為主題，因為佢見到動物都好鍾意。同埋佢對音樂有好大反應，鍾意拍鼓，有節奏感，會栽培佢玩音樂。」另外，他表示老婆楊千嬅的腳傷已痊愈，現正忙於排戲。問到千嬅會否忙得忽略了兒子？他回應：「佢時間分配得好好。」而性感上陣的JC則表示希望與六月生日的男友一同旅遊慶祝，並透露會預先準備性感比堅尼，把自己當係禮物送給對方。
文：名人組