古天樂唔使君如做媒人

吳君如與古天樂前晚出席公開活動，對於早前吳君如表示不再為他做媒人，古天樂說：「從來無叫過佢做媒人，呢啲嘢唔使朋友擔心，如果佢要介紹不如介紹多啲工作畀我。（塞住佢把口？）佢把口好難塞住，我唔會嬲，小器嘅人好難同佢做朋友，佢好鍾意講笑，亦係佢吸引人之處。」談到父親節，他表示有意買手錶贈父，並表示最難忘童年時父親向他送上卡通人物膠錶。