千嬅造人好過睇世盃
楊千嬅昨晚以黑色型格打扮出席晚宴，她說家中有不少藝術收藏品，其中有一幅油畫是入伙時朋友送贈，千嬅表示希望培育兒子Torres畫畫，問兒子可有天分？她說：「佢反而對音樂有天分，對琴同鼓嘅玩具好有興趣，帶佢去卡拉OK都鍾意攞咪。咁都好，個仔鍾意唱歌，我第日可以退休！」千嬅說兒子長大後如果想做歌手，她不會阻止，但首要條件是大學畢業。
提到明年世界盃，千嬅因有工作安排，所以不會刻意撲飛睇波，問是否要忙造人？她說：「要做埋手頭上嘅嘢先，造人順其自然。」她又透露老公丁子高最近獲邀拍戲，但考慮過後婉拒，她笑說：「佢試講對白都甩甩咳咳，（幕前唔得？）最多都係唱歌，可能再過十年去登台，好似羅家英同汪阿姐咁都好sweet。」