鍾舒漫日前應邀到日本出席三場布道會，她特別感謝蔣麗萍的關顧：「本來大會係邀請佢，佢要去美國，所以同大會推介我去。」會上她獻唱自己寫的福音歌，之後就跟經理人在場外擺檔賣英皇推出的福音碟，她說：「我同經理人攞咗百幾隻碟過去，反應都好好，不過我哋兩個好傻，又唔識計錢，又冇散紙，論論盡盡。」今次是她首次去東京，布道會後在大會安排下到富士山山下赤裸裸浸溫泉。
