阿Sa 祖兒 齊封口陳柏宇：分手係好事！
阿嬌好姊妹蔡卓妍（阿Sa）和容祖兒均對嬌K戀玩完一事有默契地齊齊封口，只在微博各自更新生活照。不過3女一向姊妹情深，相信阿Sa和祖兒一定會支持阿嬌的決定，而阿Sa前日亦取消了對K先生微博的關注，以行動力撐阿嬌。
同屬英皇藝人的鍾舒漫（Sherman）、鄭希怡（Yumiko）和洪卓立（Ken）透過電話受訪時顯得非常愕然，明顯仍未知道「嬌K戀」已玩完，但眾人仍異口同聲齊撐阿嬌，Sherman說：「最緊要佢開心，畀啲空間佢哋啦！（10個月太短？）第三者唔會知道佢哋嘅感受。」Yumiko則說：「佢大個女喇，一段戀情結束實有原因，但無論咩原因都一定會撐佢！」Ken就認為男女之間離離合合平常不過：「合則來不合則去，而且男未婚、女未嫁。阿嬌好堅強，唔擔心佢會太傷心。」此外，歌手陳柏宇得知阿嬌甩拖時竟然叫好：「分手係好事！對所有男士嚟講梗係好啦，『女神』再次available畀大家追求喎！不過對男主角嚟講就可惜喇。」
