周汶錡牛一攬啜老公說愛你
昨天520（5月20日）取國語諧音「我愛你」，名模周汶錡（Kathy）正正昨天生日，笑言今年「2013520」的諧音應為「愛你一生，我愛你」，前晚其法籍老公Julien Lepeu宴請Kathy的朋友為愛妻慶祝生日，婚後的Kathy獲老公錫到燶。
昨日是Kathy的正日生日，亦是她婚後的首個生日，前晚率先與四十多名好友在一間新開的西班牙餐廳食飯慶祝，其法籍夫婿Julien Lepeu、胞妹周麗淇（Niki）與一班好友如藝人伍詠薇、鍾鎮濤女友范姜、歌手蔡一智和蔡一傑等都有出席。
老公埋單
Kathy說很多朋友專程來港令她開心不已，事前已叫朋友不要送禮物，以免破費，問她收到老公送甚麼禮物？Kathy說：「冇呀，尋晚（前晚）負責埋單囉！唔知呀，可能今晚送啩！（送乜嘢禮物畀自己？）唔使啦，有咁多人同我慶祝，享受下美食已經好心滿意足。（正日過二人世界？）我都想，講笑咋，我哋約咗另一班朋友食飯。」
生仔隨緣
去年9月在法國結婚的Kathy，覺得今年生日很特別：「今年係我結婚後第一個生日，同埋今年的年月日，係2013520，諧音係『愛你一生，我愛你』，好有意思。（生日願望想生仔？）生仔都想，但唔想用秘方，隨緣啦。」前晚在生日派對上，她與老公當眾扮接吻魚，極為溫馨。派對以紅唇為主題，女士們都塗上紅紅的口紅，其中Kathy一位朋友帶來很多面罩，隨即變成面罩派對，Kathy亦貪玩戴上一個「宮女」頭飾，大玩《金枝慾孽貳》，認真搞鬼！而Niki昨在微博留言「happy happy birthday ot my lovely sis！！希望你一生幸福平安。」認真姊妹情深。
文：名人組