黃翠如 田蕊妮開餐碎不和
曾被指得寵獲加戲的無綫藝人黃翠如傳惹同劇藝人田蕊妮不滿，二人因此而鬧不和。不過，前晚由二人和郭晉安等主演的無綫劇《舌劍上的公堂》台前幕後食煞科飯，翠如、阿田於飯局中成焦點，但她倆卻有講有笑和大方合照，以證沒有不和。翠如事後更在微博上向田蕊妮說：「感謝認識你，阿田，好想同你再合作！」而阿田回應：「有緣再聚！」情如好姊妹的交往。
黃柏高賞識出碟
心情勁靚的阿田前晚透露她完劇後將放假兩個月去完成一宗人生大事，其實是推出首張個人唱片。有這個挑戰，阿田稱是一次返無綫開工時在化妝間哼歌，被人放上網而得唱片公司老闆黃柏高賞識，主動聯絡出唱片：「今次我會錄十首歌，主要翻唱我喜愛嘅男歌星舊歌，冇新歌，（唱老公杜汶澤啲歌？）佢得兩首，仲要係污點，再翻唱盞令佢蒙羞！（老公影封套？）都想搵老公參與！」
至於翠如早年一段她未滿17歲的「64感受」於網上瘋傳，她說：「我冇後悔講過，拍時我都冇諗會再播出嚟！當時我好誠實，但人大咗有唔同睇法！（做咗藝人唔想講政治？）跟藝人無關，係怕影響到其他人，（擔心返內地工作受阻？）唔驚，始終係未夠17歲時講，係小朋友嘅說話，依家睇番都好好笑！（正上位怕受影響？）公司冇問我！」
文：影視組