區偉林認飛紙仔累事
無綫劇《金枝慾孽貳》上周收視平均19點，最低只有18點，對於持續低收視，無綫外事部副總監曾醒明坦承黃金劇低過20點屬罕見，並強調該劇已到尾聲不會腰斬。
而無綫助理副總經理區偉林亦感無奈：「啲觀眾話睇唔明，我哋都有開會檢討過。」他仍撐劇集創新：「好多人以耳代眼，先入為主。（鄧萃雯話收視唔好因飛紙仔？）套劇已經播咗大半，做人應該放低，向前望，無可否認飛紙仔會影響演員嘅演出水準。」而通訊事務管理局上周接到5個《金枝》投訴，包括劇情與史實不符、沉悶沒新意，過於工心計及演員演投欠佳。而近日有小生花旦欲離巢返內地拍劇，他說：「佢哋唔係唔續約，仲傾緊，佢哋紅咗，想要多啲自由、唔想畀公司抽佣，都係人之常情。」