嘉玲哭崩 滿足感爆燈
劉嘉玲、陳坤和施南生在法國時間昨晚6時，於康城影展為電影《過界》舉行中港台媒體發布會。嘉玲和陳坤於會上不斷互笠高帽，表達出這次合作非常愉快，嘉玲謂：「人與人需要交流，了解咗先投入到，我同陳坤嘅交流好好！」她更大讚陳坤將來定會成為一個偉大的演員。陳坤則稱：「知道可以和嘉玲姐合作既興奮又緊張！」他指第一次長時間在港拍戲，人生路不熟，多得嘉玲的照顧。
此外，談及嘉玲的演出獲外國傳媒激讚，一場哭崩的戲份更是令人動容，嘉玲說：「當時已經就嚟拍完，所以進入咗狀態，捉到個感覺，拍完都好有滿足感！」她更大談人生觀：「每個人都唔知聽日會發生咩事，自己都去到依個年紀，好多嘢都睇到好淡，除非唔想做人，如果唔係必須要走下去，往前看！」而監製施南生指《過界》是藝術片，因此對票房沒有太大壓力。
