朱璇掃堂腿放電

無綫藝員陳展鵬、黃浩然、李詩韻、樂瞳及楊明等昨日到商場宣傳劇集《情越海岸線》，大玩「釣魚」遊戲及向觀眾派平安包，未知是否帶挈無綫黃金時段收視回升，首周達26至27點，眾人玩遊戲時很投入，兩位主角展鵬及浩然分甘同味吃同一個平安包，險些咀嘴。一向斯文的展鵬為贏比賽更出茅招。

李詩韻激吻尷尬

朱璇則靠傻勁搶盡風頭，她與李詩韻、樂瞳、李綺雯及劉俐分別穿短裙或短褲鬥騷美腿，但朱璇加料露背，更玩透視，並high爆狂擺放電趣怪甫士，輕易搶鏡。玩遊戲時朱璇最不顧儀態，懶理走光危機，走到台邊踢走道具魚，以防被敵方釣到，她又干擾其他演員，並除去展鵬的眼鏡給劉俐戴，害得展鵬玩遊戲後不停搵眼鏡。

朱璇從後偷去陳展鵬的眼鏡。

陳展鵬（右）與黃浩然齊食一個平安包。

詩韻透露與家姐及菲傭齊欣賞《情》，該集她與展鵬有激吻戲，令她頗尷尬：「我即刻叫菲傭去斟果汁。（使開佢？）係，家姐都話好激！」她透露拍過廿多套劇只有幾次咀戲，問今後會否豁出去？她笑言要睇對手，例如展鵬及鄭嘉穎就很照顧拍檔。

展鵬恨拍內地劇

提到與舊愛鄧健泓演過氣情侶，詩韻說不尷尬：「監製有問我感受，專業演員同邊個都係咁做，我哋唔係面左左，都幾有默契，感覺幾得意。（有冇親熱戲？）冇，同展鵬嗰場最激o架喇。」對於劇集收視理想，展鵬直言感振奮：「我都係做好演員責任，當然如果冇人睇，演員都唔會開心。」他亦希望有機會拍內地劇。

文：影視組