鄧萃雯續潛水冇返教會

「潛水」多時的鄧萃雯因主演的《金枝慾孽貳》收視欠佳，跟該劇編審周旭明、黃德斌在網上掀罵戰，有返教會習慣的雯女昨日未見出現，跟她返同一個教會的鍾舒漫（Sherman）昨日近下午一時單拖現身，會合女友人及媽咪一齊參加崇拜。Sherman昨在電話中被問到雯女未有返教會一事，Sherman說：「唔出奇，我有時做嘢都未必返到，（佢係咪唔開心而唔返？）我就開心唔開心都鍾意返嘅，尤其是心情失落更加需要返。」她大讚雯女為人好nice，對雯女連日來被負面新聞所困，Sherman說：「我唔會代佢講啲乜，有神乜都冇問題。」