鍾麗緹不動聲勢玩花招
高級時裝與運動元素結合雖然不是新鮮事，卻在各師各法下屢見特色，知音者大有人在！近期這種Sportwear Chic再次興起來，照樣沿用運動服的寬鬆剪裁，所選用的布料各有不同，當中最特別的可說是潛水衣料製造淑女風格的迷你裙，有些更運用矜貴物料如絲綢、綢緞等，同樣各有「型與美」！而時尚作家Janice就睇中一身花卉圖案運動服、再襯上高跟鞋的鍾麗緹，大讚時尚風味重！
鍾麗緹
「好靚！件jumpsuit加入tracksuit理念，時裝味好重，與運動風格配合得非常適中。而且對高跟鞋好靚，成個造型襯到絕，唔會令佢顯得肥或矮。髮型方面亦唔悶，唔會係一般嘅女神頭，有驚喜。」
徐濠縈
「由頭到尾都係運動服裝，而且同一個色系，雖然將棒球褸咁着係較為時尚，不過突然襯上一個咁淑女、精巧嘅手袋感覺上唔平衡，換個大size手袋可能會有另一番風味。」
何超雲
「好掂！甚有時尚風格，上身穿着綢緞製成嘅top，襯上shocking pink運動褲，係今年流行嘅顏色，整個搭配非常之好。有時尚感又有流行感，而且佢個樣清純好好睇。」
薛凱琪
「雖然只係一件普通tee，不過佢識得用方法去演繹，例如露膊、大件tee當裙着。若襯上牛仔褲或運動褲，出嚟效果會變得師奶。」
Regen @ HotCha
「一個典型嘅街頭風格，唔會令人覺得高貴，啱晒時下年輕人口味，不過作為歌手，第一個impression其實等於身份證，身為公眾人物，應該建立番屬於自己嘅獨有形象。」
Tiffany @ 少女時代
「係一個casual打扮，好多年輕人都喜歡咁着，簡單又方便。不過佢打緊棒球，其實唔建議着咁窄身嘅牛仔褲，會好危險，打棒球四肢要靈活，做運動一定要着鬆身服裝。」
Profile
王麗儀（Janice Wong），時裝作家及博客（blogger），16年前華語媒體中首位遠赴歐美時裝周報道的時裝編輯，經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。