張舒雅選港姐唔係自願
前港姐冠軍張舒雅前晚出席Bisous兩周年派對，自言單身的她透露現主要幫家人打理珠寶生意：「我都做咗一年，有時悶悶地咪接下啲工作，依家返朝九晚五，又有修讀珠寶設計課程，我希望日後有自己嘅珠寶系列。」近日開始招募新一屆港姐，問她有否建議給參賽者？她說：「做乜都好，開心就得，我08年參選港姐，不知不覺都5年，當初係我父母叫我參加，想我有啲磨練，所以咪去參加囉！」
同場的恭碩良表示最近為歌手做監製：「我有為鍾舒漫同陳柏宇做監製，鍾舒漫佢好好，好勤力，其實我嘅studio好親切，一啲都唔嚴肅，媽咪都有嚟探班。（憶蓮有冇探你班？）當然有。（為佢監製唱片？）會有合作機會，唔公開得住。（公開戀情？）冇匿埋過，使乜公開？」
