何韻詩想生仔搵黃偉文捐精

何韻詩、楊千嬅、周汶錡、黃耀明、周柏豪等前晚出席品牌活動，最近經常不在港的何韻詩表示生日都沒有特別慶祝，問到緋聞伴侶鄧九雲有否幫她慶祝？她直言：「嗰日舞台劇有演出，成班完場後突然跳舞，好驚喜，冇收生日禮物，成班對咗兩年都係親人。（鄧九雲呢？）都係，冇理由漏咗佢。」

而最近香港有變性人士成功爭取結婚，她亦希望香港同志婚姻可以合法化，問到會否考慮變性？她直言：「我會認同自己係女性，我有加拿大籍，所以可去加拿大結婚，同埋想領養小朋友。」問到有冇同鄧九雲商量過？她尷尬說：「冇冇冇。」她又大爆想生小朋友，更笑言要找朋友捐精：「生小朋友係人生必經階段，會受年紀而影響。（接受人工受孕？）嗯！好似冇得揀。（搵朋友幫手捐精？）平時講笑就有話搵黃偉文、青峰，但都要對方肯先得，生命唔可以搵朋友負責任。」活動後她在微博發牢騷，不滿記者當晚將變性與同性戀混為一談。

千嬅悉心裝扮「露一腿」現身。

明哥穿粉紅西裝配白色涼鞋出席活動。

千嬅進修湊B課程

同場穿黑色露背透視裝的楊千嬅，早前被影到出外買餸，她表示每星期都為囝囝入貨，所以識儲分換coupon，局部性精明。她更謂曾買餸打扮烏歪而被老公丁子高鬧，她笑言：「老公有次睇報紙見到我着到烏歪，佢話囝囝家長日點面對，講到好誇張，咁佢都係為我好，叫我執定啲衫係去買餸。」她為了囝囝更想讀幼兒護理及發展課程，但將要接拍三部電影，怕分身不暇。

柏豪一貫型仔打扮示人。	何韻詩笑言要向黃偉文借精生BB。	周汶錡

文：名人組