陳豪再澄清：一定唔係結婚
陳豪昨日到銅鑼灣出席平板電腦發布會，提到女友陳茵媺被指返加拿大秘婚而辭演無綫新劇《寒山潛龍》，他說：「我回應過，實在無可奉告，但信我，一定唔係結婚。（求咗婚？）唔講得畀你知，結婚會講，但唔想每個step都攞出嚟分享。」對於黃德斌與鄧萃雯疑為新劇《金枝慾孽貳》隔空罵戰，陳豪說：「我唔識做和事佬，但希望減少呢類罵戰，發生呢種事，我都好意外。每人有自己想法，但最好唔好互數不是。（雯女應該攞問題出嚟討論？）群體合作係應該有商有量。」
另外，監製楊紹鴻日前擔任節目《娛樂審死官》嘉賓時，力撐鄧萃雯的「飛紙仔論」，他說：「啲幕後編劇，拖到最後一分鐘都唔畀劇本，就係為咗唔畀人改自己寫嘅戲，仲玩飛紙仔，演員連練習機會都冇，點會拍得好？」