莊思明咪咪甩皮 葉翠翠鼻直招募

應屆港姐張名雅、湯洛雯、岑杏賢與前港姐葉翠翠、莊思明前晚出席《2013香港小姐競選》本地招募行動，低胸示人的思明露出三吋事業線，「胸壓群芳」！但細看之下，她的咪咪竟然甩皮兼出現兩條「瘀痕」！思明解釋：「我之前去曬太陽搞到甩皮。（同陳司翰去？） 唔係，朋友啫。（怕龍友高炒你？）唔驚，我甩皮已經趕走咗好多人。（你對腳都好黑！）我走實力派嘅，況且夏天都嚟啦。」

冇資格回應罵戰

一直被指「硬膠面」的翠翠再次發揮女人變臉本色，將原本已變得又尖又高的豬膽鼻，再進化成「間尺鼻」！提到《金枝慾孽貳》演員掀起罵戰，有份演出的翠翠坦言無資格出聲：「我唔可以畀任何意見，我只有資格回應人哋對我嘅批評，而且之前《金枝》飯局周旭明同鄧萃雯都冇到。（有冇請雯女？）唔知，但監製戚其義喺度，餐飯氣氛好好。（黃德斌燥底？）唔覺得。（收視低，戚其義唔開心？）佢冇提，不過有問我點回應，我話我承認自己做得唔好。」她又撐拍劇飛紙仔無壓力：「因為冇得準備。」

葉翠翠前晚再度進化變「間尺鼻」，與日前出席活動明顯有分別。	葉翠翠	右起：湯洛雯、岑杏賢、張名雅、葉翠翠及莊思明為新一屆港姐招募宣傳。

另外，卸任在即的張名雅希望可以改變形象，她說：「可以嘅話會剪短頭髮，同埋都想拍劇，喺工作方面有多啲嘗試。」

文：影視組