吳千語要峯得峯富貴出巡

33歲的林峯癡戀19歲吳千語，兩人在年齡上相差14載，但無阻愛得投入，雖然千語最近被拍得約異性夜蒲，但林峯毫無芥蒂地於微信上載兩人頭貼頭親密照，並發出愛的宣言「I Love You To The Moon And Back」（我愛你比任何東西都要多）。身家豐厚的林峯對千語BB的愛並非單靠口講，對女友生活上的所有細節亦照顧周到，有指千語自從和林峯拍拖後相當富貴，除了搬入豪宅，又經常手挽名貴手袋，由平凡少女變得身光頸靚，極有貴氣。

狂試新鞋款

日前千語瞓醒覺，食飽下午茶，於下午4時多單拖到中環行名店，生活十足闊太，穿上白色無袖衫襯Leggings的她首先去鞋店揀鞋，數名店員見千語BB光臨立即服侍周到，只見她入到店內狂試新款靚鞋，着上腳不停行來行去，入內未夠廿分鐘即有斬獲。

千語在名店內挑選心頭好。	買了大袋戰利品的千語，由店員幫手拎上車。	千語有林峯呵護備至，更不時大晒愛的宣言。（資料圖片）

碌卡唔手軟

升呢做了林峯女友，千語睇啱即買，毫不手軟地取出信用卡簽帳，更如同貴婦出巡，付款後即有店員開定門送她出外，並由另一店員負責幫千語BB拎埋戰利品上車，認真有派頭。

文、攝：追蹤組