學友幫兜：香港人嘅價值

學友跟Eason昨日出席《太陽計劃2013》啟動儀式，在學友面前Eason搖身一變成大粉絲零舍生鬼，表情多多，不時匿在學友身後，連學友都笑說：「咁樣顯得你纖瘦啲。」Eason又攬實學友膊頭作狀幫他按摩，學友大讚他這個「人肉咕o臣」好舒服。會上兩人暢談當年自己及女兒的夢想，Eason女兒康堤對唱歌聲樂有興趣，他更向女兒偷師得知時下流行的歌曲及音樂，而學友的細女就愛研究螞蟻、昆蟲，將來想做科學家、考古學家。

唱到喉嚨震

Eason笑言夢想是跟偶像學友合唱，如今夢想成真，兩人最近為香港合唱了一首《同舟之情》，他形容跟學友合唱非常興奮，更難得是沒受技術性問題能面對面一齊錄音，Eason笑說：「見到佢唱到喉嚨震，我都震。」兩人又大爆爭唱和音，結果學友爭贏，Eason笑說：「學友幫我唱和音，勁呢，係咪好得戚呢。」學友則自誇兩人技術好，只用了兩、三個小時就錄完，Eason笑說：「一樣好期待嘅嘢，會特別容易搞掂。」不過錄音當日Eason因工作關係遲了個幾鐘才出現，被笑對住偶像都遲到，Eason笑說：「我一視同仁，冇大細超。」學友力撐他笑說：「呢啲咪香港人價值，一視同仁，冇種族、階級之分。」

Eason識做幫按摩，學友大讚好舒服。

學友和Eason世紀合唱當然令人期待。

自嘲「唔知醜」

今年七月Eason將在紅館舉行演唱會，過往甚少去捧其他歌手做騷的學友，三年前帶病去捧Eason場，更由頭坐到尾，學友笑說：「睇吓有咩錯嘛，點知真係冇。」見Eason一臉謙虛怕醜狀，學友忍不住打趣笑說：「少見佢咁怕醜，剩係知佢唔知醜。」Eason也自嘲是「唔知醜」代言人，笑爆全場，學友笑言要看Eason個唱反應才決定是否捧場：「佢話唔講嘢點去呀，鍾意聽佢講嘢喎。」此外，前晚Eason老婆徐濠縈出席活動，透露忙於練跑，希望十月到三藩巿參加馬拉松，她說：「Eason都擔心o架，佢話可以就唔好去，或者去夏威夷跑。」

文：音樂組