梁嘉琪做潘曉彤女人奉獻湯水
原本不相識的無綫藝人梁嘉琪和潘曉彤，因到橫店拍劇於酒店「同居」而日久生情，現在二人friend到爆，嘉琪更猶如曉彤的「女人」，煲埋湯水給對方補身。
無綫女星梁嘉琪和潘曉彤雖然同一屋簷下，但二人毫不相識，不過一次拍劇的機會把二人的距離拉近，短短個多月的相處，二人更變成交心好朋友，嘉琪說︰「之前去橫店拍《金枝慾孽貳》，都煩惱緊會同邊個同房，結果同房嘅係曉彤，咁大家都對咗成個月，又覺得呢個女仔冇乜嘢，之後就成為好朋友。」身邊的曉彤則大讚嘉琪對她非常照顧，更會於酒店內煲定湯水給她喝，曉彤笑言嘉琪如自己的「女人」，她笑說︰「佢好似我女人，等我拍完劇返嚟，仲煲埋湯水畀我飲，好似我係男人，佢就係我女人咁。」
感情大躍進
同居生活個多月後，二人感情大躍進，即使回港後各有各忙，但仍然每日以短訊保持聯絡。雖然成為好友，但二人似是有緣無分，嘉琪透露本再有機會合作拍劇，更於劇中飾演「好姊妹」，但因檔期問題而錯過機會，她無奈地說︰「原本之後仲有合作，之後就度唔到期，真係好可惜，希望可以再有機會一齊拍劇，就算係一齊做主持都會好開心。」
一齊做宮女
此外，二人對於新劇《金》充滿信心，曉彤更指於劇中被嘉琪打非常難忘，她說︰「喺劇入面我哋都係宮女，但我低級過佢，給果被佢用打嚟懲罰，好在佢就住打，而且歷史記載當時個年代宮女係唔可以畀人打面，所以唔係好傷。」
採訪：專案組
攝影：李廣成
場地：東京築地拉麵（尖沙咀）
服裝：bread n butter
髮型
梁嘉琪：Ron Ng@HH Salon
潘曉彤：Terrence Chan@HAiR