Robynn&Kendy自封無派良品
紅爆網絡的新進女子組合Robynn & Kendy與師姐麥家瑜日前接受ontv《娛樂onShow》訪問，三人自言是「自由派」歌手，創作歌曲時以創意行先，她們為了減壓更刻意發掘新嗜好！
葉晴晴（Robynn）與孫曉慧（Kendy）去年組成Robynn & Kendy唱作組合，日前她們與師姐麥家瑜（Keeva）上《娛樂onShow》向主持人廖嘉輝（Luke）作真情剖白！三人直言自己是「自由派」歌手，創作歌曲時最重要以創意行先，Keeva表示：「我哋唔會定型自己為咩類型嘅歌手，因為規限自己只會帶嚟不必要嘅壓力！」
為新碟出賣私隱
Robynn坦言成為歌手後要承受巨大壓力，為了減壓而跑去學攝影：「當唱歌呢樣嗜好變成我嘅職業時，我好容易鑽牛角尖，自信心有時仲會跌落谷底，為咗減壓同埋建立自信，我去咗學攝影，當接觸攝影後，我觀察嘅嘢多咗，知道世界好大，自己只係好渺小，所以睇嘢亦無咁負面！」Robynn & Kendy推出新專輯，Kendy笑言為了專輯出賣自己的私隱：「專輯入面有好多我哋以前影嘅相，仲有我哋平時嘅日程表，不過當中有啲行程同時間係假嘅，因為我哋係夜貓，一定唔會朝早九點就起身，哈哈！」想知道Robynn & Kendy更多的搞笑趣事？仲等，立刻Click入ontv去片啦！
文：專案組