樂基兒辦妥離婚 冇黎明車坐

昨日Gaile出席平治全新E系列房車發布會，曬得一身古銅色的她透露現多於峇里居住，一星期滑水三、四次，加上滑水令背部肌肉結實，故看來也發福了少許。記者笑問任滑水教練的男友Cuz可有教她滑水？她說：「唔答你，我有好多朋友都識滑水。」對於有指其美國的妹妹參加選美？她否認其事：「我有打電話問佢，當然唔係真，佢啱啱入咗大學要返學，（你反唔反對佢選美？）如果佢想，我唔會反對，就算佢想做model或者做咩都會支持。（妹妹有冇話想做咩？）其實佢都唔知呢個新聞，佢唔識睇中文，都唔知發生咩事，覺得好好笑。（如果佢想入娛樂圈呢？）如果佢真係想我會支持，亦會幫佢，（叫Leon簽佢？）會叫Joe（黎明經理人陳善之）幫佢，但暫時冇呢個想法，都係返學，（另一個妹妹？）仲細，得15歲，（做o靚模？）都係返學。」

未咁快諗結婚

此外，對於早前傳她跟Cuz結婚一事？Gaile亦否認其事，問她是否已準備再婚？她說：「冇咁嘅諗法，啱啱先離完婚邊有咁快又諗結婚。（咁依家有冇拍拖？）有冇拍拖都唔會講，不過依家愛情係第二，自己排第一，想做多啲自己鍾意嘅事，例如依家做緊啲設計工作，但未講得住。」談到雷頌德踢爆黎明不開心寄情工作？Gaile就謂前夫向來喜歡工作。問她此行可有約會黎明？她說：「冇，呢排都冇乜聯絡，（離婚手續搞掂未？）搞掂晒！」

樂基兒笑言自己排第一，愛情排第二。	樂基兒直言跟黎明已辦妥離婚手續。（資料圖片）	帶記者遊花園後，樂基兒（左）進入一幢商廈逗留個多小時後離去。

坐租車遊花園

昨日活動完畢後，Gaile乘車離去，過往她回港，黎明都會安排座駕及司機給她，但昨日所見她乘坐的是租車，沿途並有不少採訪車尾隨她，她首先帶記者遊花園，為了撇甩記者，不停在灣仔、銅鑼灣一帶兜圈，最後在上環停車，在助手陪同下，進入一商業大廈，逗留一個多小時，之後便直駛寄居於友人的元朗葡萄園寓所。

文：名人組