馬浚偉 掘金不忘幫無綫
將再出唱片的馬浚偉日前到《RoadShow》受訪，他笑言近期為新歌四出宣傳，勾起20年前還是全職歌手的感覺，他說：「係好過癮，不過狂宣傳個幾月開始覺得攰，依家準備錄埋最後一隻歌，又拍番劇，（無綫劇《守業者》）時間啱啱好，希望八月拍完，九月返內地拍一套時裝電影。」
馬浚偉表示現時與無綫一年一劇，不考慮再簽經理人合約：「我好享受自己一team人做自己嘢，娘家（無綫）要我幫手我盡量幫，不過大中華市場係好大。（收入好好多？）係嘅。」對於無綫近期鬧小生花旦荒，有指好友楊怡打算離巢，馬浚偉笑言絕無影響她：「冇呀！唔好賴我呀！每個人有自己諗法，最緊要搵適合嘅路。」
