朱千雪笑到NG 同香香最啱Key
應屆香港小姐季軍朱千雪未卸任已獲無綫力捧，安排拍重頭劇《On Call 36小時II》，劇中朱千雪與吳啟華演一對，朱千雪在前輩身上獲益良多，她說：「跟啟華學到好多嘢，好似點準備，做戲時要注意嘅嘢。其實大家教我最緊要投入，唔使介懷錯誤，諗到點做就做咗先，放膽做，有問題導演會出聲。」
愛笑的朱千雪坦言開工時最難是忍笑：「套劇拍得好開心，大家又好幽默搞笑，有時拍拍吓忍唔到笑要NG。」劇集拍到尾聲，朱千雪有點不捨，特別是認識了岑麗香，她說：「同香香好啱key，我哋成日講英文，佢又知我係新人，成日都畀信心我，叫我唔使驚。」