周柏豪遭馬國女粉絲強吻手背

歌手周柏豪與連詩雅（Shiga）早前到馬來西亞展開四日三夜馬拉松式宣傳，孝順的柏豪更帶同父母隨行。他說：「之前同媽咪去過台灣，因為爸爸唔係咁鍾意旅行，所以今次算第一次同父母出門。」他又笑言：「等佢哋知道個仔搵錢好辛苦，唔好亂使錢，今次真係寓工作於娛樂。」

立即洗手太誇張

兩人甫抵馬國即出席歌迷聚會，吸引數百歌迷支持。首次到當地的柏豪說：「估唔到有咁多fans，佢哋好熱情。」並自爆遭女歌迷強吻手背，他謂：「行去台邊握手，有女歌迷捉住我隻手係咁錫。（即刻縮手？）咁又冇，畀佢嚇親。」柏豪承認當時來不及反應，只好傻笑遮尷尬。問事後有否立即洗手？柏豪笑說：「又冇咁誇張。」

柏豪走到台邊握手，被熱情歌迷捉實唔放。

柏豪與連詩雅到馬來西亞宣傳，獲當地粉絲熱烈歡迎。

行返酒店避曱甴

柏豪透露此行最開心是整蠱Shiga，他說：「Shiga發現保母車有隻曱甴，當我哋做完活動準備去食飯，Shiga因為太攰想返酒店先，我哋就嚇佢你要自己一個對住隻曱甴，嚇到佢都係去食飯。」成功嚇倒Shiga的柏豪自豪地哈哈大笑，眾人為免與曱甴「碰面」，惟有飯後步行返酒店，由於沿途有不少酒吧，加上Shiga以吊帶裙示人，柏豪為免小師妹被(目及)，即除去西裝褸讓對方穿上，盡顯紳士風度。

文：音樂組