陳家樂偷師圓電影夢
英皇藝人陳家樂雖然熱愛幕前演出，但原來亦有個電影夢，他說：「其實我好有興趣參與幕後工作，計劃一、兩年內拍出一部自己嘅微電影，平時我都有問燈光師同攝影師拍電影嘅學問，仲買咗啲器材，現階段逐啲逐啲儲器材，亦學機位點擺、啲燈點打，等拍微電影嗰時可以得心應手，原來鏡頭擺位擺錯，觀眾會get錯導演想表達嘅message，所以電影嘅學問一啲都唔簡單！」
熱愛電影的家樂沒打算報讀電影課程，他說：「我唔係可以坐定定聽書嘅人，邊學邊做反而更啱我，有乜唔明即刻問。我依家寫緊新劇本，希望今年內拍成同觀眾見面。（搵圈中人參與？）衛詩雅知道我想拍微電影，佢話想參與，由我做導演、編劇，佢負責服裝、美指喎！」
