黃宗澤怕緋聞忌「香」吻
無綫演員黃宗澤昨日為新劇試造型，他將與「緋聞女王」岑麗香飾演情侶，雖仍未知是否有咀戲，不過二人對緋聞都大呼怕怕。而王浩信除了與「重量級」小寶做情侶外，更與朱咪咪有大膽情慾濕吻戲，堅係重口味！
黃宗澤（Bosco）、胡定欣、王浩信、岑麗香等昨日為新劇《貓屎媽媽》試造型，與岑麗香飾演情侶的Bosco直言怕與香香傳緋聞，對於近日無綫花旦小生心郁郁離巢返內地搵真銀，Bosco即向TVB大派定心丸：「我喺樹（度）！我係流TVB嘅血、食TVB嘅奶大，而且仲有好長合約。」他又表示不會長駐內地拍劇：「都幾悶。（你啲新聞多姿多采！）新聞啫，我本人唔係。」而早前網上流出疑似其舊愛胡杏兒的情慾短片，拍片者更直指是Bosco，Bosco對此斥道：「無聊！（同杏兒有聯絡？）間唔中有短訊。（追番佢？）唔回應。」
「廿年嚟未試過咁激」
艷福不淺的王浩信，將與陳嘉佳（小寶）和胡定欣有感情線，更與朱咪咪有大膽情慾戲，王浩信說：「我同咪咪姐啲戲都幾激，由企喺度到瞓喺度，同埋會有濕吻戲，咪咪姐都話廿年嚟未試過同一個男演員咁激，我都應該要好好處理。」他又表示會照顧首次拍感情戲份的小寶：「係我嘅榮幸，食飯嗰陣裝多碗飯畀佢。（怕觀眾嫌重口味？）唔怕，都係娛樂大家，希望大家包容多啲啦。」而經常拍劇都傳緋聞的香香表示香港人十分聰明，分得清真與假。
文：影視組