城城談Lynn：心中好朋友

演員郭富城、桂綸鎂、張震、內地影星夏雨、秦海璐與首次執導的楊采妮前晚在尖沙咀出席電影《聖誕玫瑰》首映，楊采妮首執導演筒，不少圈中好友包括李克勤、莫文蔚、馮德倫、任達華、古巨基前來捧場。郭富城受訪時被問到其舊愛熊黛林（Lynn）呻「天王嫂」唔易做，暗示過去委屈了七年，城城大方回應說：「關於阿Lynn嘅報道，我都唔會回應，希望大家明白，已經告一段落嘅事，希望大家體諒，同埋喺一啲報道或會斷章取義、同埋歪曲，但係點都好阿Lynn喺我心目中都係一個好朋友。」

想嘗試做導演

孝順的城城透露在母親節帶媽媽食飯慶祝，被問到媽媽可有催促他搵個女朋友，城城說：「佢知道我唔係小朋友喇，有自己嘅諗法，知我係工作狂。好多嘢有得有失，人生就係咁，同埋因為家姐、哥哥都有孫畀媽媽抱，所以唔會催我。」城城亦希望他日有機會一嘗做導演滋味。

桂綸鎂（左二）和張震（右二）現身祝酒。

熊黛林

宣傳中過生日

首次執導的楊采妮對於新戲上映的心情開心多於緊張，希望新戲票房好，既對投資者有交代，也代表多觀眾欣賞，但她表示將來的身份還是演員，有好劇本再考慮執導，令楊采妮驚喜的是電影正式上映日正是她的正日生日，相信到時會在宣傳新戲時過生日。

任達華大讚安祖蓮娜切乳防癌勇敢，並已發電郵慰問。

古巨基向楊采妮送抱祝賀。

任達華曾與最近切去乳房避癌的荷里活女星安祖蓮娜祖莉合作拍電影，他透露已發電郵給安祖蓮娜祖莉的保鏢代為慰問，他說：「佢超級偉大，係我心目中嘅完美女神，係一個好負責任嘅媽媽。」

文：影視組