黃日華飛紙仔：完全唔接受
無綫重頭劇《金枝慾孽貳》收視低迷被指主角鄧萃雯鬧爆「飛紙仔」所致，前輩級演員各有表態，其中黃日華表示自己亦曾跟《金》編劇周旭明合作：「飛紙仔我哋係第一代！（唔明對白？）我哋時裝戲好啲、清晰啲。（雯女鬧冇時間準備！）每個人都有困難之處，諗自己立場外，都要諗對方，發洩都係應該，（撐雯女？）作為藝人有晒劇本對自己有把握啲，飛紙仔我由廿年前第一日到依家，都完全唔接受。」
另張兆輝則認為無綫現時缺乏編劇人手，加上公司大量製作，工作人員未有足夠時間創作：「令演員冇時間準備！（有否睇《金枝貳》及《神探高倫布》？）好少睇電視，（收視跌至18點！）唔會啩！觀眾太聰明，覺得冇新意，但創新啲又話係咪咁o架？做老闆好難適應客仔嘅要求。」