夏尉喻血包隨身止戲癮

幾年前曾患急性心肌炎要做手術的「寸嘴Barbie」夏尉喻，早前不幸再復發，她說：「今年4月初時，我喺屋企突然透唔到氣，個心好痛，自己call白車入院，原來係心肌炎復發，醫生即刻同我做手術！」
剛做完手術的夏尉喻（左），仍堅持出席電影首映。
剛做完手術的夏尉喻（左），仍堅持出席電影首映。

與死亡擦身而過的Barbie，出院後理應好好休養，但她不理腋下仍插着血包，竟膽粗粗出席首映禮，她說：「由於心臟肌肉嘅傷口未完全愈合，腋下連着一個放血嘅包嚟排出多餘嘅血水。我知道應該要多啲休息，但我好想去《鐵甲奇俠3》嘅首映，於是自己縫製咗一個手袋仔袋住個血包嚟睇首映。經理人及朋友知道後即狂罵我點解咁大膽，為免大家擔心，我以後會保重身體。」

夏尉喻展示小血包。
  • 夏尉喻展示小血包。