唐寧冇師奶味 重親子樂

早於今年年頭開始吃素的唐寧，穿着吊帶褲現身有線節目《食德好‧最佳女煮角》錄影，當日她一腳踢包辦所有烹飪程序，認真犀利。但原來她私底下甚少下廚，而當日所煮的菜式亦是找媽媽臨時教路。雖然Leila下廚經驗不多，但成績卻備受在場人士認同，但她謙虛地說：「味道都係唔及媽咪好，如果有佢一半功力就夠用啦。」

而Leila因保護動物及環保決定吃素，她說：「因為我好鍾意動物，當我好愛錫佢哋同時又會食佢地，我覺得很矛盾，所以最終我決定戒食肉。」正所謂相由心生，Leila如此有愛心，難怪能保持童顏。

唐寧下廚，有板有眼。	唐寧與有線兩位主播一齊拍攝飲食節目。	放大圖片

整甜品氹囝囝

問到學有所成時，會否煮給老公品嘗？Leila笑說老公對食物甚有要求，更不時下廚煮西餐，因此她未敢「大顯身手」。但Leila打算於囝囝兩歲生日派對上為他親自炮製香蕉甜品，認真甜到漏。而平時不用開工便孖實囝囝的Leila表示，絕不會因工作而和囝囝分開太久。

早已轉投香港電視的Leila，密密開工，不知不覺已完成三套劇集。雖然她對發牌情況並不擔心，但仍然希望自己所拍的劇能盡快展現觀眾眼前。

文：戴玉霖

攝影：吳文聰