AGA唱作才女 先Sing奪人
今年環球唱片力捧的唱作女新人AGA來頭認真不小，出身自音樂世家的她，未出道已為李克勤、吳雨霏、薛凱琪等紅星作曲，更獲她偶像「吹神」陳奕迅點名稱讚，未出碟已誓要先「Sing」奪人！
現年25歲的AGA是一位混血美女，父親是音樂家，而母親亦精通鋼琴，故AGA自小就受到音樂薰陶長大，亦通曉彈鋼琴、結他和唱歌，可謂是一部移動「音樂機器」。未出道前已經為不同歌手作曲，例如吳雨霏的《我願意》、薛凱琪的《Better Me》均出自她的手筆，即將推出的處女碟亦將由她一手包辦全碟作曲，認真巴閉。
擁豐富演出經驗
問到AGA由幕後轉做幕前會否緊張？擁有豐富演出經驗的她笑言：「唔會，開心多過緊張，細細個就跟爸爸周圍去表演，同過唔同音樂人合作，前幾年仲試過同林德信（Alex）一齊夾band。」
除了出道前與師兄林德信夾過band，AGA自爆原來出道亦與環球歌手有關：「當時寫咗首歌畀Kary，先有環球casting嘅機會。」
入環球圓歌手夢
如今加入環球唱片，AGA除了實現歌手夢想外，更有機會可以和偶像陳奕迅（Eason）合作，早前Eason公開力讚AGA，令她興奮到彈起：「我細個已經鍾意佢，佢畀咗好多靈感我，佢話有畀錢上網買我首歌，仲鼓勵我要繼續努力！（佢讚令你有壓力？）反而係一種推動力。」提到她獲環球力捧，AGA即謙虛地說：「係咩？無論點，我都會盡力做到最好。」
文：音樂組