七仙羽撈偏 唔住豪宅寧揀旺地

本身在馬鞍山擁千呎豪宅的七仙羽，偏偏愛住紅磡的酒店式住宅。除貪其交通方便外，最重要事業運能愈趨愈旺。七仙羽表示：「有唔少明星都住喺呢個屋苑，因為係桃花旺地。而娛樂圈屬於偏門行業，咁啱呢區有好多殯儀館同長生店偏門生意，如果你命格受得起偏財，住呢區就最利桃花同財運，而我哋風水師都係偏門行業。」

從未與華人拍拖

正所謂「財多身子弱」，七仙羽坦言一間屋不會有滿分，故其所住地方的健康運比較差，所以她會提醒自己要多跑步注意健康。問七仙羽可有為自己擺桃花陣？她笑謂：「我本身帶桃花係特別有異性緣，有好多追求者，可能我英國長大，性格好鬼妹，一直都係同外籍人士拍拖，未試過同華人囉。」

去旅行瘋狂購物

七仙羽的客廳擺放了不少到英國及法國旅遊的戰利品，她表示去旅行絕不能慳荷包。七仙羽說：「去得歐洲機票都幾萬蚊啦！如果去到都唔捨得Shopping，咁咪機票都蝕埋？」故她每次到英國都瘋狂購物，連家品都不放過。她又透露稍後會將家中的財神放到佛堂讓人供奉，令更多人獲得財運。

文：高美

攝：李廣成