Kinki@Super Gear遊泰險瞓街

組合Super Gear成員Kinki（葉曉婷）早前與朋友飛到泰國芭堤雅享受陽光與海灘，身材出眾的Kinki穿起泳衣更吸引全場男士目光，令她非常尷尬：「朋友幫我揸相機嗰陣，叫我喺沙灘擺啲誘人甫士，我咪跪低chok樣囉，點知好多男仔係咁望我！（佢哋講咩？）佢哋講泰文，所以我都唔知，不過都有聽到人哋讚我靚！」另外，此行Kinki更鬧出笑話，差點兒要露宿街頭，她說：「因為泰國有好多夜市，有日同朋友食嘢食到唔知時間，焗住搭的士返酒店。開頭上咗的士，個司機唔識英文，好彩我喺個袋搵到酒店卡片，如果唔係真係要瞓街都似！」