朱璇自認宅族 唔做女神
朱璇最近霸佔電視黃金時段，同時有三套劇集出街，被網民封為女神，但她卻不認自己是女神，認為鍾嘉欣才是女神。講到近期廣東話進步神速，朱璇原來得到高人蔣志光WhatsApp「遙距教學」。
2008年「華姐」冠軍朱璇由零開始學習廣東話四年，未練得靈光前，朱璇被無綫安排主持普通話節目磨練，直到近期她廣東話大有進步，三套黃金時段劇集《愛．回家》、《女警愛作戰》及《仁心解碼II》朱璇都有份演出。人氣急升的她還被封為「女神」，朱璇則說：「我唔係女神，鍾嘉欣先係女神。自己好耐冇劇出街喇。」
讚蔣志光好人
在外國長大的「華姐」要在香港立足首先是要解決廣東話問題，學了四年廣東話，換過五位老師的朱璇，最近終於遇到高人指點，朱璇說：「學廣東話仲難過法文，近期開始跟蔣志光學習廣東話，終於掌握到關鍵嘅地方，依家講廣東話都信心大咗。」朱璇跟蔣志光學廣東話原來是靠「遙距課程」，她說：「蔣老師透過WhatsApp錄音教我拼音、講廣東話，老師好好人，唔收我學費，第時希望佢肯教埋我做戲、唱歌啦。」
熱愛睇漫畫
霸佔三套劇的朱璇在劇中角色各有不同，但朱璇認為三個角色也不似現實中的她，朱璇說：「我其實係一個宅女，喺屋企嘅時間最多，最鍾意睇書同埋漫畫，我係一個資深漫畫迷。」朱璇最想有機會在香港演出舞台劇，她說：「舞台劇觀眾畀到嘅反應、感覺係最直接嘅，但係未有人搵我做舞台劇。」
採訪：影視組
攝影：劉智源
服裝：iBLUES
場地：HABITU（銅鑼灣）