童冰玉撼娜姐 無懼搶「峰」頭
獲封「馬國木瓜」的童冰玉早前來港，與周秀娜在新片中「互毆」，兩女不打不相識，她大讚對方身材又靚又均勻，更無懼戲中密實被搶「峰」頭。不過，她坦言介意被稱「木瓜」，又堅拒刻意賣弄色情。
來自馬來西亞的童冰玉（Chris）日前來港拍攝新片《爆3俏嬌娃》，與「宅男女神」周秀娜（Chrissie）隻揪，她直言初初怕跟三位女主角溝通，更稱一度感覺Chrissie最惡，不過兩女「互毆」後，Chris笑言二人不打不相識：「Chrissie整頭髮時都會瞓覺，因為佢好攰，我哋嘅交流只係戲裏面。直到有場講佢捉住我隻手打落牆，佢唔敢用力，問我O唔Okay、就住我，我覺得好warm，於是我哋就嚟就去好好笑，打完之後開始有話題，我又同佢分享以前拍打戲受傷時點處理，大家就開始熟咗。」
抗拒做「木瓜」
對於獲封「馬國木瓜」撼贏Chrissie，Chris坦言令她想不開：「其實我覺得（木瓜）好難聽，都有少少介意，有星馬媒體即刻打嚟問，因為我哋嗰邊比較保守，fans接受慣我做律師、警察等正氣嘅形象，佢哋覺得我係咪去咗外國就大解放，嗰時有啲唔想接電話，好驚有負面嘅嘢。不過，我覺得需要性感時會性感，總之靚就得。」問暴瘦的Chrissie有否請教她「升cup」之道？她笑言：「反而我需要向佢請教，因為佢真係好瘦，但又push up得好靚。」
不排除全裸戲
提到戲中造型不及Chrissie性感，Chris則無懼「峰」頭被搶：「演員要做番啱自己嘅角色，記得最後一場Chrissie着得好性感，我冇push up，造型師都問我點解唔push，我就覺得角色唔需要，唔使下下show off。其中一幕我打唔到要搵替身，我笑話『你睇我唔push係啱，咪唔連戲啦！』，因為啲武師都係冇身材。」至於會否介意全裸拍戲，她坦言因應劇情需要亦不排除，但笑稱：「重點係睇下我當時身材得唔得，獻醜就唔好啦！」
文：影視組