羅嘉良發聲明轟失實報道
羅嘉良日前低調處埋父親後事被周刊廣泛報道，身在北京的嘉良為此氣憤，昨日向傳媒發聲明，指某周刊內容歪曲事實，傷害其本人及家人，現正由律師跟進，如有任何轉載更會作出法律追究。嘉良昨日在電話中澄清事件：「佢哋亂咁寫，仲侮辱我前妻，當然嬲！畀前妻生活費一早已加，而前妻同蘇岩食飯根本唔關事，（前妻與現任太太相處融洽？）佢哋見過兩次面，阿爸未過世前仲一齊食飯，我覺得自己好幸運！」
而前妻方敏儀昨日亦在電話中力撐嘉良：「佢有理屋企人，佢爸爸初期入浸會醫院所使嘅60幾萬醫藥費都係佢畀，（為錢氹蘇岩？）冇可能！8千蚊我諗自己打工都搵到，我哋離婚咁多年我都放低咗，之前係有食過飯，大家唔會尷尬。」