肥媽教路街市執平餸
無綫藝人陸浩明（6號）和肥媽日前為飲食節目《食平D》到荃灣街市買餸，肥媽甫抵街市即成「師奶殺手」，吸引不少街坊要求合照。他們去買田雞時，肥媽跟老闊說：「幫我揀幾隻肥啲嘅田雞！」老闆見肥媽光臨，即說：「好！揀隻好似你咁肥嘅！」搞到肥媽笑不攏嘴。
自從節目出街後，不少網友都「詐型」指他們沒可能以極低價煮出豐富大餐，肥媽說去超市買，當然冇可能咁平：「佢哋應該了解吓街市文化，街市平、靚、正，仲有得講價。」6號說每次跟肥媽遊街市，都眼界大開，對食材不熟悉的他說：「例如肥媽帶我買雜菇，我淨係識金菇、冬菇，原來仲有猴頭菇同紅菇，真係唔講唔知。」