阮小儀灰爆人生尋樂趣
DJ阮小儀、EO2的Otto及導演火火即將舉行舞台劇，講述一班做到「滑晒牙」而感絕望的人如何自處。戲如人生，歡笑的背後原來他們各有隱憂。
小儀大爆Otto內幕說：「佢初出道諗住做城城（郭富城）o架，點知跳咗咁多年都仲係城城當紅。」Otto亦不諱言說：「有時EO2冇job，我會覺得有又點冇又點吖，人生都係要過o架啦！」小儀亦坦言：「早幾年畀人話『中女』的確會唔開心。」因此希望透過舞台劇讓人從「灰爆」的人生中尋找樂趣。Otto還說火火早在十二年前已「看破紅塵」寫下該劇本，想不到話題到今時今日竟更加「應棍」！
