龔嘉欣嬌嬌女鬧通街

外形嬌滴滴，予觀眾柔弱感覺的龔嘉欣在劇集《金枝慾孽貳》中要硬着頭皮扮惡，飾演宮女之首「木都兒」的她管理下屬諸多挑剔，不時要大罵別人，不過「轉型」的她演技備受讚賞，她笑說：「拍嘢嗰陣鬧人都試過口震，戲裏面講我好惡死，成日都要鬧人講道理，幾乎出場就要鬧人，咁我平時都會鬧人，其實個角色性格係好率直。」

最緊張等劇本

鄧萃雯拍攝時壓力大得患上情緒病，嘉欣可也感受到壓力？她說：「都有壓力嘅，其實大家拍攝時都好緊張，第一套成績好，大家都想《金枝貳》都好，我又冇嘢喎，可能拍到麻木咗，每日返工、收工就返屋企睇劇本，只係一星期去一次街，日日如是三個月，精神最緊張反而係等劇本，返屋企就check email睇下有劇本未，有就又再睇過，去到大陸拍外景又係拍完就返酒店再睇劇本。」

大讚前輩好人

首次與好戲之人鄧萃雯和蔡少芬（Ada）合作，最初嘉欣戰戰兢兢，大家稔熟後始發現她倆全沒架子，還很有心機教導後輩：「雯女同Ada都不時提點吓我要注意一啲對白嘅細節，例如好似講嘢嘅停頓位。」嘉欣講到拍攝最難忘的事情，要數有次在廠內拍攝落雨戲，因喉管出現問題令到廠內水浸，全廠上下由監製戚其義到演員也齊齊落手落腳幫手吸水，感覺就像個大家庭無分彼此。

化妝：Sammy Lam@Zeal.image

髮型：Bowie Lo@Chin.G

指甲：Crystal Jam

服裝：mi-tu

文：影視組